Артамонов Юрий. Кузе илет, пошкудем?

Мыскара ойлымаш-влак. Сӱретше Л.Л. Аказеевын. — Йошкар-Ола: Книгам лукшо марий издательство, 1975. — 128 с.Пагалыме лудшо йолташ-влак, те Юрий Артамонов дене первый гана 1960 ийыште «Марий коммуна» газетеш савыкталтше ойлымашыж гом палыме лийында ыле. Тиддеч вара автор тыланда «Советский салтак», «Шӱдыр ер» ойлыма ш-влак сборникым да «Сеҥаш лийдыме вий» повестьым пӧлеклыш. Нуно мыскара дене нимогай родо кылдышым кучен огытыл Адакшым, писатель шкежат сатирик лияш нигунамат шонен огыл. Илышыште тудо путырак проста, тыматле еҥ. Но 1965 ийыште марий мыскара журнал .дене палыме лие. Тудыжат автор ончылно парымеш ыш код — пӱсӧ умдыжым шерге пӧлек семынак пӧлеклыш. Тиддеч вара Артамонов вигак вашталте: илышым «Пачемышын» шинчаж дене ончал колтыш, уш-акылже пӱсеште, йылмыже утларак лывыргыш.
Самырык писатель совет калыкын сеҥымашыжым, илышыште чийше кугу вашталтышым раш ужеш. Тидын годымак мыланна онар ошкыл дене ончыко каяш мешайыше тошто косам, еш коклаште, !И1лыш-йӱлаште, пашаште улшо ситыдымаш-влакым, турло оккӱллан ӱшанымашым чараҥден, тӱжвак луктеш да, нигӧн кумылжым волтыде, койдарен воштылеш, икте-весым пагалаш, йӧраташ, ваш-ваш полшен, улшо ситыдымашым кораҥдаш ӱжеш.
Тиде сборникыш автор лач тыгай ойлымаш-влакым пуртен да тудым кугыеҥ-влаклан пӧлекла.Кузе илет, пошкудем?
Ломберсолаште.
Эх, кӱваржат.
Ӱскырт.
Палыде.
Кычалтылше каче.
Спектакль.
Пытартыш йыдал.
Лотерей билетым манза.
Тошкемъял профессор.
Шӧртньӧ муно.
Мый ватемлан полшем.
Вуйшиймаш книга.
Эҥгек полшен.
Микалын куанже.
Сонарзе.
Шем пырыс.
Ит ойгыро, Мишук!
Мом возаш?
Мокмыр Микывыр.
Чонан автомат.
Пӱй шукш.
Але... Але...
Мо лийынам?
Качым йӱктенам.
Суксо вер.
Кӧ тыйын йолташет, каласе.
Шаҥгак ойлем ыле.