Иванова Валентина. Керка-пöль

Повесть да висьтъяс. — Сыктывкар: Коми небöг лэдзанiн, 2001. — 184 л.б. — ISBN: 5-7555-0697-3.«Керка-пöль» — Валентина Ивановалöн медводдза асшöр небöг. Пыртöма выль небöгас сиктса челядь йылысь öткымын висьт да «Керка-пöль» повесть. Повестьын тыдовтчö Ниакерöс грездса зонка Федя Кармановлöн, сылöн бать-мамлöн да сиктса мукöд войтырлöн матö вогöгöрся олöмыс. Медся тöдчанаыс сiйö, мый ичöт, пöшти бырöдöм грездса зонкалöн мыччысьö ыджыд сямлун — серпасалан енби. И матысса рöдвуж, ёртъяс зiльöны, медым тайö сямлуныс эз кус, а водзö сöвмис. И ми тшöтш эскам, мый чужан грезд, муса вöр-ва, матысса йöз дiнö муслунöн чужтöм енбиыс оз вош сьöд вöр шöрö, а кутас водзö ломавны-сöвмыны.