Агароднікава С.В. Перакладаем тэксты па эканоміцы на беларускую мову

Минск: БГЭУ, 2008. — 75 с.Вучэбны дапаможнік па дысцыпліне Беларуская мова. Прафесійная лексіка. Ён складзены ў адпаведнасці з праграмай па курсе Беларуская мова. Прафесійная лексіка. Дапаможнік складаецца з дзвюх частак. У першай змяшчаюцца эканамічныя тэксты на рускай мове для перакладу на беларускую (26 тэкстаў). Перад кожным тэкстам даецца невялікі руска-беларускі тэрміналагічны слоўнік, а пасля – заданні. Пераклад тэксту і выкананне заданняў дапамогуць студэнтам лепш засвоіць прафесійную лексіку. З гэтай жа мэтай пасля тэкстаў прапануецца перакладны руска-беларускі тэрміналагічны слоўнік. Складальнік слоўніка Бажкова М. І. Праца з тэкстамі па спецыяльнасці будзе садзейнічаць удасканаленню ведання марфалагічных, сінтаксічных і стылістычных адметнасцей навуковага стылю беларускай літаратурнай мовы. У другой частцы дапаможніка змяшчаецца тэарэтычны матэрыял, ён дапаможа студэнтам аднавіць веды па арфаграфіі і марфалогіі, будзе спрыяць больш глыбокаму засваенню некаторых пытанняў гэтых раздзелаў. Тэарэтычны матэрыял прапануецца і для зручнасці пры выкананні практычных заданняў, што дапамогуць студэнтам пашырыць, удасканаліць свае веды. Дапаможнік можа быць выкарыстаны для самастойнай працы студэнтаў завочнай формы навучання.